அவர்களிடம்
அரிவாள் இருக்கின்றது
கத்தி இருக்கின்றது
கடப்பாரை இருக்கின்றது
ஏன்...
அணு குண்டுகள் கூட இருக்கின்றதாம்.
நெருங்க முடியாதாம்
வல்லரசாம்.
அங்கே
வறுமைப் பானைகளில் தான்
பட்டினியை சமைக்கின்றார்களாம்.
இரட்டைத் டம்ளர்களின் தான்
ஜாதிகளை ஆற வைக்கின்றார்களாம்.
பாப்பா பட்டிகள்
ஜனநாயகத்தின் உதாரணங்களாம்.
ரத்ததானம்
மனிதனுக்கும் மண்ணுக்கும் தானாம்.
அதற்கு
மதங்கள் பொறுப்பேற்றுக் கொண்டுள்ளதாம்.
அவர்களிடம்
அணு குண்டுகள் கூட
இருக்கின்றதாம்..
நெருங்க முடியாதாம்
வல்லரசாம்...
கருத்துகள் இல்லை:
கருத்துரையிடுக